कार्तिक २ राेल्पा – नेकपा एमाले रोल्पाको चौथो सचिवालय बैठक रोल्पाको लिवाङमा मंगलवार सम्पन्न भएको छ । बैठकमा जिल्लाका १० वटा पालिका तथा ७२ वटा वडाहरुमा अधिवेशनको लागि बृहत छलफल भएको बताइएको छ।
नेकपा एमाले रोल्पा जिल्ला पार्टी अध्यक्ष बालाराम बुढाको अध्यक्षतामा सम्पन्न भएको बैठकको प्रमुख अतिथीमा नेकपा एमालेका केन्द्रिय सदस्य एवं रोल्पा जिल्ला ईन्चार्ज नविन रोका मगर रहनुभएको थियो । यस्तै अतिथीहरुमा प्रदेश सदस्यहरु तथा अन्य सचिवालय सदस्यहरुको उपस्थितीमा बैठक भएको हो ।
आज बसेको बैठकले रोल्पा जिल्लाका ७२ वटा वडाहरुमा वडा अधिवेशनको लागी जिल्ला कमिटीका सदस्यहरुलाई जिम्मा दिने निर्णय गरेको छ। यस्तै रोल्पा नगरपालिकामा अधिवेशन सम्पन्न गर्नको लागी लुम्बिनी प्रदेश सदस्य अमृत बुढा,सुनिलस्मृती गाउँपालिकाको लागी लुम्बिनी प्रदेश सदस्य ईश्वरी घर्ती,लुङ्ग्री गाउँपालिकाको लागी लुम्बिनी प्रदेश सदस्य ओमराज घर्ती, सुनछहरी गाउँपालिकाका लागी लुम्बिनी प्रदेश सदस्य जय प्रकाश बुढा र जुनमायाँ बुढालाई जिम्मेवारी दिएको छ।                                                                               त्यसैगरी थवाङ गाउँपालिकाको लागी लुम्बिनी प्रदेश सदस्य मिना बुढा,हरी बहादुर बुढा र यमुना बुढा,परिवर्तन गाउँपालिकाको लागी लुम्बिनी प्रदेश सदस्य गंगाराम बुढा र हरी वली, माडी गाउँपालिकाको लागी लुम्बिनी प्रदेश सदस्य रिमा नेपाली ,गंगादेव गाउँपालिकाको लागी लुम्बिनी प्रदेश सदस्य कुमार दशौदी , त्रिवेणी गाउँपालिकामा लुम्बिनी प्रदेश सदस्य शान्त कुमार वली र पुर्ण बुढा,र रुन्टीगढी गाउँपालिकामा लुम्बिनी प्रदेश सदस्य रुद्रमणि सुवेदी र चन्द्र कुमारी पुन लाई अधिवेशन सम्पन्न गर्नको लागी नेकपा एमाले लुम्बिनी प्रदेशले तोकेर पठाएको पाटी जिल्ला सचिवालय सदस्य गोपाल डाँगीले बताउनु भएको छ । बैठकको सहजीकरण पार्टीका जिल्ला सचिव निमप्रसाद रोकाले गर्नुभएको थियो।

प्रकाशित मिति : २०७८ कार्तिक २ गते मङ्गलवार