जेठ ६ काठमाडौ – देशभर केहि समय अघि देखि हावाहुरी सहित वर्षा भइरहेको छ।
तिव्र वेगमा चलेकाे हावाहुरीका कारण देशका विभिन्न ठाउँमा क्षतिका विवरणहरु आइरहेका छन। जस अनुसार राेल्पाकाे सुनिलस्मृति गाउँपालिका वडा नं -१ तुसारपानी निवासी हरी बहादुर पुनको घरको छानो पुर्णरुपमा उडाएकाे छ। परिवर्तन गाउँपालिका -२ राङसी स्थित वन कार्यालयकाे भवन र स्थानीयका दुईवटा भवनकाे छानाे उडाएकाे विपत व्यवस्थापन समिति राेल्पाले जनाएको छ। जिल्लाकाे हकमा अन्य विवरण पनि आउन सक्ने समितिले जनाएको छ।
त्यस्तै उता प्यूठानको फोप्ली स्वास्थ्य चौकीको छाना उडाएको छ भने संगैकाे वर्षादका कारण अहिले स्वास्थ्य चौकि भित्र पानी समेत थुनिएकाे स्वास्थ्य चौकीका प्रमुख प्रकाश घिमिरेले बताए।
त्यसैगरी पुर्व पश्चिम राजमार्ग अन्तर्गत नारायणी नदी पुलमा गुडिरहेको ट्रकलाई पनि हावाले पल्टाएकाे छ। कैलालीको लम्किचुहा नगरपालिका -८ गप्कामा गुडिरहेको यात्रुवहाक से १ ख १८०६ नम्बरको बसमाथि रुख पर्दा ५ जना घाइते भएका छन। उता चितवन भरतपुर देखि पदमपुर जाने बाटोमा रुख ढलेर अटोलाई च्याप्दा २ जना अवस्था गम्भीर घाइते भएका छन। थप विवरण आउने क्रम जारी छ।
