रोल्पाको परिवर्तन गाउँपालिका–२ चौधारामा भात पकाउने क्रममा प्रेसर कुकर पड्किँदा एक महिला गम्भीर घाइते भएकी छन्।
परिवर्तन गाउँपालिका–१ कुरेली घर भई माइतीघर ८ दिनअघि आएकी २४ वर्षीया रुपा राना भान्सामा खाना पकाइरहेकी बेला प्रेसर कुकर अचानक पड्किएको जिल्ला प्रहरी कार्यालय राेल्पाले जनाएको छ।
घटनामा रानाको अनुहार, ढाड, दाहिने हात र बायाँ खुट्टामा गम्भीर चोट तथा पोलेको छ। उनको अवस्था गम्भीर रहेकाले उपचारका लागि राप्ती स्वास्थ्य विज्ञान प्रतिष्ठान दाङ पठाइएको जिल्ला प्रहरी कार्यालय राेल्पाका प्रवक्ता प्रहरी निरीक्षक सुनील थापा नेपालीले बताए।
