असोज २२, सल्यान – सल्यान जिल्ला छत्रेश्वरी गाउँपालिका वडा नं. १, जलेखर्कमा अवस्थित लक्ष्मी आधारभूत विद्यालयको ५० औं वार्षिकोत्सब तथा भुपु विद्यार्थी मिलन कार्यक्रम मंगलबार उद्घाटन भएको छ ।
कार्यक्रमका प्रमुख अतिथि प्रदेश सभासदस्य, निवर्तमान भुमी, व्यवस्था तथा कृषि सहकारी मन्त्री भिम प्रकाश शर्माले शुभकामना मन्तव्य दिदै विद्यालयले राम्रो जनशक्ति उत्पादन गरि सिर्जनशील बनाउन सफल हो भनी शुभकामना दिए । उनले जनताले गरेको योगदान र जनप्रतिनिधिको पहलबाट प्राप्त गरेको उपलब्धीलाई सबै मिलि संरक्षण गर्नुपर्ने बताए ।
माननीय शर्माले समाजमा भएका पुराना संस्कृतिलाई जगेर्ना गर्नुपर्ने बताउँदै परिवर्तनशील समय अनुसार शिक्षालाई पुरानै पठपाठनमा शैलीमा मात्रै नलिई कम्प्युटर र टेक्निकल जमानामा सोही अनुसार सकारात्मक परिवर्तन लिएर अगाडि बढ्नु पर्ने जनाए ।
त्यस्तै, विद्यालयको समस्याहरुको विषयमा स्थानीय सरकार र प्रदेश सरकासँग समन्वय गरि सक्दो पहल गर्ने बताए । शर्माले भौतिक संरचना निर्माणका लागि ठाउँको व्यवस्थापन गरे हल गर्ने प्रतिबद्धता गर्दै नेपालीहरुको महान चाड बडादशै, तिहार तथा छठ पर्वको अवसरमा शुभकामना समेत दिए ।
यस्तै, कार्यक्रमका विशिष्ट अतिथि छत्रेश्वरी गाउँपालिकाका अध्यक्ष ओज बहादुर बुढाथोकीले “म बनाउँछु मेरो छत्रेश्वरी” भन्ने अभियानमा सबै लागि पर्न अनुरोध गर्दै लक्ष्मी आ.वि.को विकासका लागि पनि यो अभियानले अभिप्रेरित गर्ने बताए ।
उनले छत्रेश्वरीको आफ्नै आम्दानीको स्रोत नभएको बताउँदै संघ र प्रदेश सरकारबाट प्राप्त बजेटबाट विद्यालयमा सक्दो सहयोग गर्ने जनाए ।
बुढाथोकीले आफ्नो ३ वर्षे कार्यकाल हालसम्म सर्वसम्मतरुमा अगाडि बढाएको बताउँदै बाँकी कार्यकाल पनि छत्रेश्वरी बनाउने सकारात्मक सोच र उद्देशका साथ अगाडि बढेर ऐतिहासिक बनाउने बताए ।
उनले भने आफुले अहिलेसम्म कुनै पनि पुर्वाग्रह नगरेर काम गरेको छु, लक्ष्मी आ.वि. हुदै मदन भण्डारी राजमार्ग बन्ने भएकोले भौतिक संरचना आवश्यकता भएपनि कसरी व्यवस्थापन गर्ने भन्ने समस्या छ त्यसको हल सबै लागि परेर गर्नेछौं ।
कार्यक्रममा छत्रेश्वरी गाउँपालिकाकी निवर्तमान उपाध्यक्ष सीता के.सी., छत्रेश्वरी गाउँपालिका वडा नं. १ का अध्यक्ष प्रकाश हमाल, बागचौर नगरपालिका वडा नं. ९ का अध्यक्ष यज्ञ बहादुर डाँगी, छत्रेश्वरी गाउँपालिका वडा नं. २ का अध्यक्ष प्रेम पहाडी, लक्ष्मी आ.वि.का पूर्व वि.व्य.स अध्यक्ष तथा बागचौर नगरपालिका वडा नं. ९ का पूर्व वडाध्यक्ष मोहन चन्द, छत्रेश्वरी गाउँपालिका वडा नं. २, का पुर्व वडाध्यक्ष प्रेम बहादुर खड्का लगायतका अतिथिहरुले शुभकामना मन्तव्य राखेका थिए ।
विद्यालयको ५० औं वार्षिकोत्सबको अवसरमा बागचौर नगरपालिका वडा नं. ९ जलेखर्क, सल्यान निवासी बुबा बालाराम गिरी र आमा टंकी गिरीका छोराहरु पुर्व शाखा अधिकृत नेपाल सरकारका हाल न्युयोर्क अमेरिका बस्ने रमेश गिरी, पुर्व नायब सुब्बा नेपाल सरकार हाल न्युयोर्क अमेरिका बस्ने भुपेन्द्र गिरी र हाल टोकियो जापानमा कर्म थलो बनाएका भागिराम गिरीले आफ्नो आमा-बुबाको नाममा ३ लाख १ हजार १ सय १ रुपैयाँको ‘बालाराम गिरी, टंकी गिरी’ अक्षयकोष निर्माण गरेका छन ।
कार्यक्रममा विभिन्न ठाउँको आमा समूह, पैसेरी नाच, विभिन्न किसिमको नृत्य प्रस्तुति गरिएको थियोे । विद्यालय व्यवस्थापन समिति अध्यक्ष प्रदिप योगीले अध्यक्षता गरेको कार्यक्रमको सहजीकरण भुपु विद्यार्थी राजन के.सी.ले गरेका थिए ।
त्यस्तै २२ गते देखि उद्घाटन भएको कार्यक्रममा विविध प्रतियोगितात्मक कार्यक्रम संचालन गरि २४ गते समापन गरिने आयोजकले बताएको छ ।
यस्ता छन विभिन्न प्रतियोगितात्मक कार्यक्रमहरु :-
