वि व्य स चुनावमा गाउँपालिका अध्यक्षकाे छाेरा पराजित भएपछि प्रतिद्वन्द्वी पक्षका युवाकाे हत्या

माघ १४ बझाङ – गाउँपालिका अध्यक्षका छाेरा विद्यालयकाे अध्यक्षमा पराजित भएपछि बझाङमा एक युवाको हत्या गरिएको छ।

छबिस पाथिभेरा गाउँपालिकाको वडा नं ३ स्थित श्री बान्निचौर माध्यामिक विद्यालयको व्यवस्थापन समितिलाई पुर्णता दिनेक्रममा सर्वसम्मति नहुदा मतदान प्रक्रिया अपनाउदा राजनीतिक धार बाडिएपछि विवाद सुरु भएको हाे। विवादकै बिच मतदान प्रकिया चल्याे।

जिल्ला प्रहरी कार्यालय बझाङका प्रमुख प्रहरी नायव उपरीक्षक रूपक खड्काका अनुसार उम्मेदवारीको रुपमा नेकपा दाहाल-नेपाल समुहबाट छबिस पाथिभेरा गाउँपालिका अध्यक्ष अक्कल धामीका छोरा गजेन्द्र धामी र नेपाल काङ्ग्रेस अन्य दलकाेे समर्थनमा लाेकेन्द्र बाेहाेरा चयन भए। चुनावकाे मतपरिणाम अनुसार नेकपा दाहाल-नेपाल समूहका उम्मेदवार तथा गाउपालिका अध्यक्षका छाेरा गजेन्द्र धामी पराजित भए। यस पश्चात् दाहाल-नेपाल समुहका कार्यकर्ताले विजयी पक्षका समर्थकमा रहेका नेपाली काङ्ग्रेस निकट अमृत सिंह माथि खुकुरी प्रहार गरी हत्या गरेका छन।

चुनावमा धामीका छोरा पराजित भएपछि वडा नम्बर २ का अध्यक्ष विकास ऐडीको नेतृत्वमा आक्रमण भएको र उनैले हत्यामा संलग्न रहेकालाई मोटरसाइकलमा राखेर भगाएको स्थानीय प्रत्यक्षदर्शीले बताएका छन । अहिले प्रहरीले घटनामा प्रत्यक्ष संल्गन भएकाेे भन्दै प्रकाश ऐडी पक्राउ परेको र ज्ञानबहादुर कठायत फरार रहेको जिल्ला प्रहरी कार्यालय बझाङले बताएको छ।