माघ २२ काठमाडौ – देशका विभिन्न ४ जिल्लामा जिल्लामा शनिबार मात्रै ५ वटा शव फेला परेका छन।

बिहीबार देखि सम्पर्क बिहिन भएका नेपाल विद्युत प्राधिकरण वितरण केन्द्र बैतडीमा कार्यरत कर्मचारी दशरथचन्द नगरपालिका–२ देहिमाडौँका ४५ वर्षीय मानसिंह रावत रहेको जिल्ला प्रहरी कार्यालय बैतडीका प्रमुख प्रहरी नायव उपरीक्षक रमेश बहादुर पालले जानकारी दिए।

सल्यानमा आफ्नो घरमा एक्लै बस्दै आएका ७३ वर्षिय वृद्ध शारदा नगरपालिका–८ मालडाँडा बस्ने ७३ वर्षीय तेजबहादुर कुँवर मृत अवस्थामा भेटिएको जिल्ला प्रहरी कार्यालय सल्यानका प्रवक्ता प्रहरी निरीक्षक अर्जुन पौडेलले जानकारी दिए।

पाल्पा दुई जना मृत भेटिएका छन। तानसेनमा अचेत अवस्थामा भेटिएका अर्घाखाँचीको छत्रकोट गाउँपालिका- ४ रिठाको रुख स्थायी ठेगाना भइ तानसेनमा मागेर खाँदै हिड्ने  ५० वर्षीय गणेश परियार र तानसेन -४ बडिज्ञानटोल भाडामा बस्ने ३८ वर्षीय वसन्त गिरी मृत फेला परेकाे जिल्ला प्रहरी कार्यालय पाल्पाका प्रमुख प्रहरी उपरीक्षक जनक बहादुर शाहीले जानकारी दिए।

त्यसैगरी चितवन भरतपुर महानगरपालिका–३ नारायणगढ कमलनगरस्थित घर पेटीमा मृत अवस्थामा फेला पारेको हो। मागेर खाई हिँड्ने अन्दाजी ४५ वर्षीय पुरुषको शव फेला पारेको र हालसम्म मृतकको पहिचान हुन नसकेको जिल्ला प्रहरी कार्यालय चितवनका प्रमुख प्रहरी उपरीक्षक ओेम प्रसाद अधिकारीले बताए।

प्रकाशित मिति : २०७८ माघ २२ गते शनिवार