पुस २७ सल्यान – प्रेस चौतारी सल्यानको ६ औं जिल्ला अधिवेशनले सम्पन्न भएकाे छ।
उक्त अधिवेशनबाट नयाँ २१ सदस्यीय कार्यसमिति समेत गठन गरेको छ। जसकाे अध्यक्षमा प्रकाश भण्डारी सर्वसम्मत निर्वाचित भएका छन्। उपाध्यक्षमा झक्कु प्रशाद शर्मा, महिला उपाध्यक्षमा शिवा डाँगी, सचिवमा भुम प्रकाश भण्डारी, सह-सचिवमा नोखिराम थापा, सुधीर पुन र कोषाध्यक्षमा सन्ध्या महतरा चयन भएकी छन् ।
कार्यक्रममा प्रेस चौतारी नेपालका केन्द्रिय सदस्य सन्तोष घर्तीको अध्यक्षतामा भएकाे हाे। उक्त कार्यक्रममा कर्णाली प्रदेश गाउँपालिका महासंघका अध्यक्ष तथा कपुरकोट गाउँपालिकाका अध्यक्ष भिम बहादुर सेन, नेपाल पत्रकार महासंघ सल्यान शाखाका अध्यक्ष नवीन पौडेल लगायतको उपस्थितिमा कपुरकोटको होटेल सगरमाथामा सम्पन्न भएको हाे।
