१३ असोज २०८३, मंगलवार सल्यान ।
नेपाली कांग्रेसको १५औँ महाधिवेशनअन्तर्गत सल्यानमा प्रदेश सभा क्षेत्रीय तथा महाधिवेशन प्रतिनिधि छनोटका लागि भएको मतदान सम्पन्न भएको छ। मतदानका लागि १,७९५ जना मतदाता कायम गरिएकोमा १,६९३ मत खसेको देखिएको छ।
यसअनुसार १ सय २ मत खसेनन् भने मतदानमा करिब ८९.८३ प्रतिशत मतदाताको सहभागिता रहेको छ।
यसअघि प्रतिकूल मौसम तथा मतपत्र छपाइमा भएको ढिलाइका कारण सल्यानको निर्वाचन कार्यतालिका प्रभावित भएको थियो। निर्वाचन मंगलबार बिहान ९ बजेदेखि बेलुकी ५ बजेसम्म गर्ने तयारी गरिएको जानकारी सार्वजनिक भएको थियो।
अब मतगणनातर्फ सबैको ध्यान केन्द्रित भएको छ। उम्मेदवारहरूको मतपरिणाम सार्वजनिक हुन बाँकी रहेको अवस्थामा सल्यान कांग्रेसको नयाँ महाधिवेशन प्रतिनिधि चयनको परिणामलाई चासोका साथ हेरिएको छ।
