उनकाे हालै एउटा पुरुष संग सिन्दुर सहितकाे चुम्बन गरेकाे फाेटाे उनै पुरुषकाे फेसबुक स्टाेरीबाट सार्वजनिक भएकाे थियाे। त्यही तस्बिरका कारण वलीकाे परिवारले सम्पत्तिकाे सुरक्षाकाे लागि मुद्दा दायर गरेकाे बुझिएको छ।

वलीका जेठाजु अमर वलीले अंश संरक्षण शिर्षकमा जिल्ला अदालत दाङमा भदौ ३ गते मुद्दा दर्ता गरेका छन। अमरका भाइ तथा बिमलाका श्रीमान उत्तरकुमार वलीको २०७५ फागुन १० मा सवारी दुर्घटनामा परि निधन भएपछि उनको नाममा रहेको सबै सम्पत्ति कानून अनुसार बिमलाको नाममा गएको छ।

अहिले उनकाे व्यवहार हेर्दा सम्पत्ति जाेखिममा रहेकाे भन्दै उनकाे नामकाे सबै सम्पत्ति रोक्का गरि छोराहरु प्रणय वली र दिवाकर वलीका नाममा राख्न माग गर्दै जेठाजु अमरले मुद्दा दर्ता गरेका छन। मुद्दा दर्ता भएसँगै बिमला वलीको नाममा रहेको सम्पत्ति र बैंक खाता रोक्का भएको छ।

बिमला यतिबेला परिवार र पार्टी दुवैबाट एकैसाथ धरापमा परेकि छन। नेकपा फुटकाे संघार देखि अहिलेसम्म उनले तीन पटक पार्टी फेरिसकेकि छन। उनकाे सांसद पद खारेजका लागि नेकपा एमालेले सिफारिस गरिसकेको छ। तर प्रदेश सभामुखले खारेज गर्न आनाकानी गरेपछि अब अदालतले नै टुंगो लगाउने भएको छ।