फागुन २६ संखुवासभा – बिहान भएको बस दुर्घटनामा परि बस चालक र सहचालक सहित मृत्युु हुने सबैकाे सनाखत भएको छ।

संखुवासभाको मादी नगरपालिका-६ सातघुम्ती स्थित भित्री सडक खण्डमा बस दुर्घटना हुदा चालक सहित १४ जनाको घटना स्थलमा नै मृत्यु भएको हो र ५ घाईते भएकाेमा सबैकाे सनाखत भएको जिल्ला प्रहरी कार्यालय संखुवासभाका प्रमुख प्रहरी उपरीक्षक लालध्वज सुवेदीले बताए।

घाइते हुनेहरुमा संखुवासभा मादी नगरपालिका-६ का ५० वर्षीय डम्बर बहादुर कार्की, मादी नगरपालिका -४ उम्लिङकि २४ बर्षीया करिश्मा तामाङ, मादी नगरपालिका-६ का २२ बर्षीया तुलसा कटुवाल, मादी नगरपालिका -४ का २४ बर्षीय सुवास तामाङ र मादी नगरपालिका-५ कि २७ वर्षीया युका पोखरेल रहेका छन। ५ जना मध्य चार जना खतरा मुक्त छन भने युका पाेखरेलकाे अवस्था गम्भीर रहेकाे डीएसपी सुवेदीले बताए।

मृतककाे नामावली

१. संखुवासभा मादी नगरपालिका -६ कि ३० बर्षीया सिता बि.क. ।
२. मादी नगरपालिका -६ कि ३२ बर्षीया अञ्जना कटुवाल ।
३. मादी नगरपालिका-५ का ४९ बर्षीय भवानी प्र. दाहाल ।
४. मादी नगरपालिका-२ का ४२ बर्षीय ईन्द्र अधिकारी ।
५. मादी नगरपालिका-६ कि ५ बर्षीया दिक्षा कटवाल ।
६. मादी नगरपालिका-४ का ६० बर्षीय बल बहादुर कार्की ।
७. मादी नगरपालिका-४ कि २८ बर्षीया सबिता कार्की ।
८. मादी नगरपालिका-५ का ४८ बर्षीय दिपक कुमार दाहाल
९. मादी नगरपालिका-५ का ५५ बर्षीय श्याम शेर्पा ।
१०. मादी नगरपालिका-४ का आईत बहादुर तामाङ ।
११. मादी नगरपालिका-५ का उमेश भट्टराई ( सहचालक)
१२. तेह्रथुम फाक्चामाराका ३१ बर्षीय विपिन निरौला (चालक)
१३. ताप्लेजुङका ३१ बर्षीया समिक्षा योञ्जन ।
१४. ताप्लेजुङका ८ बर्षीय सुदिप घिसिङ

बिहान करिब ८ बजेतिर संखुवासभाकाे मादीबाट झापाकाे दमककाे लागि छुटेकाे बा ४ ख ७३५ नम्वरको यात्रु वाहक बस सडकबाट अन्दाजी ३०० मिटर तल खाेचमा खसेकाे थियाे।

दुर्घटनामा परी घाईते भएका ५ जनालाई प्रहरीले उद्धार गरी प्राथमिक स्वास्थ्य केन्द्र चैनपुर लगिएकोमा थप उपचारको लागि नेपाली सेनाको हेलिकप्टरद्वारा धरान घोपा पठाईएको छ भने मृत्यु भएकाहरुको शव प्राथमिक स्वास्थ्य केन्द्र चैनपुरको शव गृहमा राखिएको डिएसपी सुवेदीले बताए।

प्रकाशित मिति : २०७८ फाल्गुन २६ गते बिहिवार