कात्तिक २८ भैरहवा – हरेक क्षेत्रको विकासका लागि समानता मात्र नभई समताको पनि आवश्यक पर्ने एक कार्यक्रमका वक्ताले बताएका छन ।

अपांगता भएका व्यक्तिहरुको राजनैतिक अधिकार तथा पहुचयुक्त निर्वाचन प्रणाली सम्बन्धी अन्तक्रिया कार्यक्रममा रुपन्देही जिल्ला निर्वाचन अधिकारी अयोध्या प्रसाद भण्डारीले यस्तो बताउनुभएको हो ।

कार्यक्रममा बोल्दै भण्डारीले अपांगता भएका व्यक्तिले निर्वाचन सम्बन्धी अधिकार पाउँनुपर्छ भनेर कानुनी प्रावधान भएर मात्र नहुने बताउनुभयो । यदि अपांगता भएका व्यक्तिहरुलाई निर्वाचनमा उठाउने नै हो भने उनीहरुलाई के के आवश्यक पर्छ भन्ने कुरालाई ध्यान दिदै त्यसको व्यवस्था मिलाउन पर्ने बताउनुभयो ।

कार्यक्रमको सहजीकरण गदै भण्डारीले संवैधानिक व्यवस्था , राष्ट्रिय तथा अन्तर्राष्ट्रिय कानुन , अपांगता भएका व्यक्तिहरुका लागि पहुचयुक्त भौतिक संरचना तथा सुचना सेवा निर्देशिका र अपांगता भएका व्यक्तिहरु प्रति निर्वाचन आयोगको भुमिकाकाे विषयमा समय सापेक्ष उदाहण सहित प्रष्ट पार्नुभएको थियो ।

कार्यक्रमका सहभागीहरुले मतदाता परिचय पत्रमा अपाङ्गता भएका व्यक्ति उल्लेख गर्न पर्ने,निर्वाचनको समयमा अपांगता भएका व्यक्तिहरुका लागि सहज बनाउन यातायातको व्यवस्था हुनुपर्ने , बहिरा तथा जटिल प्रकृतिका अपाङ्गता भएका व्यक्तिहरुको निम्ति दोभासे तथा सहयोगी को व्यवस्था हुनुपर्ने , मतपत्रमा ठुलो आकारमा र दृष्टि बिहिन मैत्री छापिनु पर्ने, निर्वाचनको अवधिमा कर्मचारी खटाउदा अपांगता भएका व्यक्तिहरुलाई पनि समेट्नुपर्ने ,निर्वाचनमा प्रवेक्षक खटाउदा अपाङ्गता भएका व्यक्तिको प्रतिनिधित्व सुनिश्चित गर्नु पर्ने ,भोटिङ कार्यलाइ विद्युतिय मतदानको व्यवस्था गर्न र अपाङ्गता मैत्री मतदान स्थल निर्माण गर्नुपर्ने अनुरोध गर्नुभएको थियो ।

कार्यक्रममा बोल्दै नेत्रहिन युवा संघका अध्यक्ष टिकाराम पौडेलले अपांगता भएका व्यक्तिहले पनि निर्वाचनमा पाउनुपर्ने अधिकारको लागि निर्वाचन आयोगबाट सहयोग जुटाईदिन पहल ,अपागंगता भएका व्यक्तिहरुलाइ निर्वाचनको समयमा सहयोगको लागि सहयोग कक्ष नै स्थापना गरेर सहयोग गर्न पनि माग गर्नुभएको थियो ।

नेत्रहिन युवा संघ रुपन्देहीको आयोजना ,युएसएआइडी , आइएफएसका सहयोग र नेत्रहिन युवा संघ नेपालको समन्वयमा भैरहवामा सम्पन्न कार्यक्रममा रुपन्देहीका विभिन्न अपांगता भएका व्यक्ति र रुपन्देही निर्वाचन कार्यालयका गरी १९ जना व्यक्तिहरुको सहभागीतामा कार्यक्रम सम्पन्न भएको थियो ।

कार्यक्रमको स्वागत मनतव्य र संस्थाको परिचयबारे सस्थाको फिल्ड स्टाफ अस्मिता क्षेत्रिले जानकारी गराउनुभएको थियो भने परियोजना प्रशिक्षक टिकाराम घिमिरेकको सञ्चालनमा सम्पन्न भएको थियो ।

प्रकाशित मिति : २०७८ कार्तिक २८ गते आइतवार