जेठ १० काठमाडौं – प्रतिनिधिसभा विघटनविरुद्ध विपक्षी गठबन्धनका १ सय ४६ सांसद भौतिक रुपमा उपस्थित भयर नै सर्वोच्च अदालतमा रिट दायर गरेका छन्।

जसमध्ये कांग्रेसका ६१, माओवादी केन्द्रका ४९, एमाले नेपाल समूहका २३ र जनता समाजवादी पार्टीका १२ र राष्ट्रिय जनमोर्चाका एक सांसदले रिट दायर गरेका हुन्। प्रधानमन्त्री प्रस्तावका बेला हस्ताक्षर गरेका तिनजना सांसदले याे रिटमा हस्ताक्षर गरेका छैनन। हस्ताक्षर नगर्नेमा नेकपा एमालेको माधव नेपाल पक्षका गोकर्ण विष्ट, गणेश पहाडी र पवित्रा निरौला खरेलले रहेकाेे काङ्ग्रेस नेता रमेश लेखकले बताएका छन।

जनहितमा जारी सन्देश

रिटमा मुख्यरुपमा संसद पुनस्र्थापना र कांग्रेस सभापति देउवालाई प्रधानमन्त्री नियुक्तीको माग गरिएको छ। नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एमालेका नेता माधवकुमार नेपाल, जनता समाजवादी पार्टीका अध्यक्ष उपेन्द्र यादवसहितका सांसदले उपस्थित भएर रिट दायर गरेकाेे सञ्चारकर्मी संग कुरा गर्दै काङ्ग्रेस नेता लेखकले बताए ।

नेता लेखकले भने;’१ सय ४६ सांसदले आफैं उपस्थित भएर रिट दायर गर्नुभएको छ’, सर्वोच्च अदालत परिसरमा सञ्चारकर्मीसँग कुरा गर्दै नेता लेखकले भने, ‘हामीले मुख्यगरी दुईवटा माग राखेका छौं, पहिलो संविधानसम्मत बहुमत सदस्यको समर्थन रहेका कांग्रेस सभापति शेरबहादुर देउवाजीलाई प्रधानमन्त्रीमा नियुक्ती र दोस्रो असंवैधानिक तरिकाले गरिएको संसद विघटन पुनर्स्थापना।’

प्रकाशित मिति : २०७८ जेष्ठ १० गते सोमवार