चैत २ प्यूठान – जिल्लाको स्वर्गद्वारी नगरपालिकाका एक महिलाले अचम्मको बच्चा जन्माएकि छिन। स्वर्गद्वारी नगरपालिका वडा नं ३ जलूकेकी मनिषा गन्धर्वले उक्त बच्चा जन्माएकी हुन्।

जन्मिएको उक्त बच्चा चिकित्सकले उपचारका लागि बुटवल लग्न भने पनि आर्थिक अभावले उक्त बच्चालाई घर फर्काइएको छ। उपचारका लागि पैसा नहुँदा बच्चालाई अहिले घरमै राखिएको छ। जन्मिएको बालकको माथिल्लो ओठ छैन भने नाईटोबाट शरीरको भित्री अंग बाहिर निस्केको छ । त्यस्तै हात-खुट्टा र नाकमा मासू पलाएको छ भने जन्मिदै मूखको दुवै तिर दात उम्रेको छ। शारिरिक रुपमा असक्त बच्चा जन्मिए पछी उक्त परीवार कसरी उपचार गर्ने होला भनेर ठुलो पिडामा परेको छ।

उक्त परिवारको आफ्नो घर छैन भने घरभाडा तिरेर जलूकेमा बस्दै आएका छन। बच्चा जन्माएकी महिलाको श्रीमान रोजगारीका लागि भारत गएका छन र उनी पनि बिरामी परेका छन्। यता सासू आमा पाठेघरको क्यान्सर पिडित छिन्। यस्तो अवस्थामा बच्चाको उपचारका लागि सहयोग गरी बच्चाको ज्यान बचाइदिन सम्पुर्णलाई परिवारले आग्रह समेत गरेको छ।

सहयोगका लागि सम्पर्क
लक्ष्मी गन्धर्व 9868606425

प्रकाशित मिति : २०७७ चैत्र २ गते सोमवार