माघ ११ दाङ – देउखुरीको राजपुर गाउँपालिका वडा नम्बर ७ का वडाध्यक्ष भिम बहादुर खड्काले आफुलाई ज्यान मार्ने धम्की आएको बताएका छन। साेहि गाउपालिका मा पर्ने माध्यामिक विद्यालय सिक्टाका प्रधानाध्यापक बिष्णु खत्रीले केहि दिन भित्रै सिद्ध्याई दिने धम्की दिएको अध्यक्षकाे भनाइ छ।

माध्यामिक विद्यालय सिक्टामा अध्यापन गराउदै आएका तुलसीपुर उपमहानगरपालिका वडा नम्बर १३ बखारिया घर भएका खत्रीले आफुलाई धम्कि दिएको वडाध्यक्ष खड्काले विज्ञप्ति मार्फत सार्वजनिक गरेका छन। प्रधानाध्यापक खत्री यहि माघ ७ गते सिफारिस लिन वडा नम्बर ७ को वडा कार्यालयमा गएको र सिफारिस लिएर वडा कार्यालयमै बसी वडाध्यक्षलाई अनेक विषयमा गालिगलौज गरेको वडा कार्यालयमा कार्यरत अन्य कर्मचारीहरुको भनाई छ ।

वडा कार्यालयका अन्य कर्मचारीकै अगाडी बिना कारण तथानाम गालिगलौज गर्दै मार्ने धम्कि दिएको वडाध्यक्ष खड्काले प्रेस विज्ञप्तिमा उल्लेख गरेका छन । प्रधानाध्यापक खत्रीले वडाध्यक्ष खड्कालाई विभिन्न आरोप लगाउदै केहि दिन भित्रै सिद्ध्याई दिने समेत धम्कि दिएको विज्ञप्तिमा उल्लेख छ ।

वडा अध्यक्ष खड्काका अनुसार आफुलाई धम्की दिने शिक्षकलाई कानुनी कारबाहीको गरि आफुलाई सुरक्षाकाे प्रत्याभूति गराउन प्रमुख जिल्ला अधिकारी, प्रहरी प्रमुख, नागरिक समाज, मानव अधिकारकर्मी संग अनुरोध समेत गरेका छन । पटक पटक शिक्षक खत्रीले विप्लब माओबादीको नाम लिदै समेत धम्कि दिने गरेका छन । यो विषयमा सम्पर्क गर्न खोज्दा प्रधानाध्यापक खत्रीको मोबाइल अफ भएकोले सम्पर्क हुन् सकेन।

पटक पटक विवादमा तानिन्छन शिक्षक खत्री

सुर्योदय प्राथमिक विद्यालय बनकट्टीबाट काजमा माध्यामिक विद्यालय सिक्टा पुगेका राहतकोटाका शिक्षक बिष्णु खत्री पटक पटक विवादमा तानिदै आएका छन । कहिले प्रधानाध्यापक पदका लागि त भने कहिले महिला शिक्षकलाई हातपात गरेको विषयमा उनि विवादित हुदै आइरहेका छन ।

केहि दिन अघि सोहि विद्यालयमा अध्यापन गराउदै आएकी शिक्षिकालाई हातपात गरेको आरोपमा पाँच दिन इलाका प्रहरी कार्यालय गढवाको हिरासतमा बसी धरौटीमा छुटेका थिए । महिला शिक्षकलाई हातपात गरेको आरोप लागेका शिक्षक खत्रीको मुद्दा अझै फैसला भने भएको छैन ।

शिक्षक जस्तो मर्यादित पेशामा संलग्न व्यक्ति नै अमर्यादित ढङ्गले अराजक, अमानविय तरिकाले सार्वजनिक स्थलमा प्रस्तुत हुनुले उनिले कानुनको धज्जि उडाएकाेे स्थानीय बासी बताउछन ।

प्रकाशित मिति : २०७७ माघ ११ गते आइतवार