श्रावण २७ राेल्पा – जिल्लाकाे एक विद्यालयले गाउँपालिकाको विपत्त कोषमा ७० हजार बढी सहयोग गरेको । त्रिवेणी गाउँपालिका वडा नम्बर ७ गाङमा रहको बिरेन्द्र माध्यमिक विद्यालयले गाउँपालिकाको विपद व्यवस्थापन कोषमा ७० लाख १ सय ५ रुपैँया सहयोग गरेको हो ।

विद्यालयका प्रधानाध्यापक बरमान वुढा मगरले गाउँपालिका अध्यक्ष शान्तकुमार वली, प्रमुख प्रशासकीय अधिकृत निमबहादुर केसी, वडा नम्बर ६ का अध्यक्ष लेखमनी डाँगी, शिक्षा अधिकृत अमृता बुढाथोकी लगाएतको उपस्थितिमा उक्त रकम हस्तान्तरण गर्नुभएको हो ।

उहाँले प्र.अ भत्ता ६ हजारसमेत गाउँपालिकाको विपद व्यवस्थापन कोषमा सहयोग गर्नुभएको हो । प्रधानाध्यापक बुढाले विपद बाजा बजाएर नआउने भएकाले पुर्वतयारी आवश्यक रहेको बताउनुभयो ।

विद्यालयले पनि विपदमा परेका नागरिकलाई सहयोग पुगोस भनेर गाउँपालिकाको विपद व्यवस्थापन कोषमा सहयोग गरेको उहाँको भनाई छ ।

त्यस अवसरमा गाउँपालिका अध्यक्ष शान्तकुमार वलीले नगद सहयोग गर्ने विद्यालय र विद्यालयका प्रअलाई धन्यवाद ज्ञापन गर्नुभयो । उहाँले विद्यालयले विपद कोषमा सहयोग रकम हस्तान्तरण गर्नु उदाहरणिय काम भएको उल्लेख गर्नुभयो ।।

प्रकाशित मिति : २०७७ साउन २७ गते मङ्गलवार